Доделување на јубилејна плакета на Универзитетот „Св. Климент Охридски“

Како дел од настаните за одбележување на 80-годишнината од основањето на Црвениот крст во Македонија, на 6 март на Правниот факултет во Битола се одржа настан за промоција на платформа на ЦКРСМ со универзитетската заедница. На настанот Генералниот Секретар на ЦКРСМ д-р Саит Саити додели јубилејна плакета на Ректорот на УКЛО проф. д-р Игор Неделковски, во знак на благодарност за севкупниот придонес за развојот и поддршката во работата на Црвен крст.

„Идејата наша е да изградиме платформа за комуникација помеѓу Црвениот крст и Универзитетите во Македонија. Една обострана размена каде што крајниот бенифит ќе го имаат универзитетите, Црвениот крст и корисниците преку креирање нови услуги. Ова е една нова амбиција во нашата организација во обид да се прилагодиме односно да го совладаме оној простор кој ни се нуди во опшеството и еден ден да ги преземеме одговорностите ние како организација за да можеме да придонесеме во оваа држава сите во својот домен за да го направиме општеството поубаво место за живеење на сите. Ќе продолжиме и понатаму со другите универзитети во нашата држава“, изјави Генералниот Секретар на ЦКРСМ д-р Саит Саити.

За време на настанот се реализираше и панел дискусија  на актуелни општествени теми со универзитетската заедница и со Црвениот крст за давање на придонес во влијанија за градење на политики од општествен интерес. Панелисти на настанот беа Претседателот на ООЦК Битола Д-р Лилјана Ристевска, Проректорот на УКЛО, проф. д-р Горан Илиќ и студент на магистерски студии Данило Божиновски. Панелот беше модериран од страна на проф. д-р Никола Дуковски и проф. д-р Фадби Османи.

На настанот присуствуваа проректори, професори, студенти, волонтери на Црвениот крст кои имаа можност да се информираат околу Платформа за соработка на Црвениот крст со универзитетската заедница која нуди можност за студентите и наставниот кадар да земат учество во хуманитарни активности преку истражувачки и научни трдови и развивање заеднички програми и преокти во рамки на социјални-хуманитарните, здравствено-превентивните и подготвеност при катастрофи.

Настан претставуваше можност за претставување на платформата како и за споделување на иницијативите на Универзитетот „Св. Климент Охридски“ и Црвен крст на РС Македонија за продлабочување на соработката.